كل أستاذ عايز يكتب مذكرته كمبيوتر يتفضل

[الاستاذ اشرف سامى]

السلام عليكم ورحمه الله وبركاته

انا عندى اقتراح على مدرسين المنتدى المحترمين يا ريت يكون كويس واحب اسمع رأى أستاذ على الدين يحيى ورأى كل مدرس يقرأ الموضوع
كل واحد فينا أكيد له أسلوب خاص به فى الكتابه واختيار المسائل وترتيب المسائل وكمان التنسيق ونوع الخط
وأنا عندى إقتراح :
ان كل واحد ياخد جزء معين ويكتبه باسلوبه ومش مهم ينسقه يعنى مثلا انا اخد الجبر وحد تانى ياخد التفاضل وحساب المثلثان ونتبادل
وكل واحد يعدل ويظبط مذكرته براحته بس اكيد هتسهل علينا كتييييييييير
انا خلصت فى مذكرتى الدوال والاسس واى حد عايزهم انا تحت امره يبعتلى رساله على الخاص وان شاء الله هرفعاله ورد وهرفعها على المنتدى هنا ان شاء الله لما تخلص
ياريت كلنا نشارك المنتدى هنا جميل جدا وياريت نخليه يفيد الطلبه اكتر ( لا خير فى كاتم العلم )*
عن عطاء عن أبي هريرة قال قال رسول الله : { من سئل عن علم فكتمه ألجمه الله بلجام من نار يوم القيامة } ورواه ابن ماجه والترمذي

هستنى تفاعلات المدرسين المحترمين فى المنتدى وانا متاكد من التفاعل الجاد باذن الله
شكرا لصاحب الموقع الاستاذ على الدين يحيى على مجهوداته وبارك الله له .

[ashrafelmancy]

فكره ممتازه استاذ زياد وان شاء الله انا معاك انا لسه بكتب المزكره وان شاء الله نقسم المزكره علينا

[الاستاذ على الدين يحيى]

السلام عليكم ورحمة الله وبركاته
أجمل تحية لكل الزملاء المشاركين فى هذا الموضوع
أسمحوا لى بإبداء رأيى المتواضع :
الفكرة رائعة وتدعو إلى العمل الجماعى للوصول إلى أفضل مذكرة فى شرح الرياضيات للصف الثانى الثانوى ولكن ...!!
من المعروف أن كل مدرس له بصمته الخاصة فى أسلوب شرحه
ومن لا يملكها جاء وذهب دون أن يترك شيئاً يتذكره له الطلبة أو الزملاء
وجميع المذكرات التى كتبت والتى سوف تكتب تأتى أفكارها جميعاً من الكتب سواء كتب الوزارة أو الكتب الخارجية
وفى رأيى أن المهم ما هو مكتوب فيها ولكن الأهم طريقة توصيل المدرس لهذا المكتوب للطالب , وهنا تكون بصمتنا التى يختلف كل منا عى الآخر فيها .
ولكن :
أنا مع نسب العلم لصاحبه كأمانة علمية وحتى لا نحاسب عليها فى الآخرى
بمعنى إذا أخذت منك جزء يجب ذكر أسم الأستاذ صاحب هذا الجزء
أما نشر العلم فهو كما ترى فى المنتدى موجود كصور أو ملفات p.d.f وذلك للحفاظ على الحقوق الفكرية لكل مدرس
كما سبق وحدث أننا وجدنا بعض الملازم الوورد تم طبعها بالأسواق بعد حذف أسم صاحبها وبيعها فى بعض المناطق .
ولكن الفكرة حلوة وربنا يوفق الجميع
ملحوظة :
لاحظت من كلامك أنك قلت أنك أنتهيت من درسى الدوال والأسس ثم قلت أنك سوف تنزلهم المنتدى بعد الانتهاء من المنهج فلماذا ؟
يفضل تنزيل الجزء الذى انتهيت منه ثم تنزيل جزء آخر وهكذا حتى تنتهى من المنهج وذلك لسرعة الحصول على الأجر من الله .
مع خالص شكرى وتقديرى

[احمد خفاجى]

قكره مش بطاله بس لها قصور فى ان كل مدرس له اسلوبه وطريقته فى الشرح وعرض الدرس ....الخ.
ولكن لو كان من باب عرض الافكار على مدرسين المنتدى للتبادل وابداء الاراء فلا بأس وممكن تكون pdf افضل
ده رايى المتواضع ولكم جزيل الشكر وجزاكم الله خيرا

[حسن الجبرى]