رد: موسوعة صيد السمك
الطعم الطبيعي ، في البحر المتوسط وهما : الجرايات(أبو جلمبو أو السرطانات)،و السردينيلا،
أولا : الجرايات :وده طعم الدنيس المفضل ،وبيتجاب من على الشواطئ الرملية أو الصخرية ،لو رمل تدور على الجحور بتاعته وهي عبارة عن حفر،في الصيف بتكون مش غويطة أوي ولكن في الشتاء أحيانا تكون غويطة ومش عارف ليه بيقل في مواسم الدنيس والحفر بتاعته بتبقى أغوط ما يمكن
ولكن عموما ممكن تطلعه بسيخ تحفر بيه وراه لغاية ما تجيبه من قفاه ،وأنا فعلا أقصد قفاه لأن ليه كلابات (حرص على إيدك) أول حاجة تعملها تقص الكلابات بتاعته وبعدين تشيله معاك في علبة أو زجاجة لحد ما تصطاد بيه،وهنا بأه لازم تعرف إزاي تطعم بيه،أولا تفصل الرجول كلها وترميها (مالهاش لازمة) وبعدين تفتح الصندوق اللي هوه ظهر السرطان ،وهنا بأه تكتشف منظر غريب جداً ،تلاقي خانات ،أربعة أو خمسة يمين وأربعة أو خمسة شمال،وكأنهم معمولين عشان تطعم بيها ،تدخل السن في واحدة من الخانات وتسحب وكده أنت طعمت ،وإذا حسيت انه صغير خد خانة تانية ،وجرب على الدنيس وادعيلي.
ثانيا : السردينيلا : وهو نوع من السردين الروسي يستورد من الخارج ويستعمل في علف الدواجن وغيرها بعد فرمه (مالناش دعوة) عموما السمكة دي بتتباع مجمدة ووزنها يتراوح تقريبا من 200 جم إلى 600 جم تقريبا ،وجاهزة للصيد على طول ،أقولك تعمل إيه، أولا بظهر السكينة تمشي عكس اتجاه السمكة من الناحيتين عشان تشيل القشر ،شيله كويس عشان بيتلم السن وفي نفس الوقت بالراحة عشان ماتهريش جلدة السمكة ،لأن الجلدة أهم حاجة وهي اللي بتحدد السمكة دي كويسة ولا لأ ،لأنها بتساعد على شبك الطعم في السن،المهم وبعدين تبتدي تقطع أقولك إزاي ،تيجي في نص السمكة وتنزل بالسكينة رأسي مسافة قصيرة جدا وبعدين تمشي أفقي وكأنك بتقطع السمك فيليه وهكذا وبعدين تأخد القطعة دي وتقطعا على حسب الحجم المرغوب فيه،وكذلك بالنسبة للجزء الأمامي والناحية التانية
أنواع الطعوم النيلي
دود أرض (أحمر ـ إسود) و ده للصيد ليلا أو نهاراً و خاص يالسمكة البلطي و اللبيس و البياض و القراميط وموجود على أطراف الترع والمصارف و المساقي الطينية
دود زفر وده خاص بالبياض القشرة و العرس و موجود في قاع الترع و المصارف
ريم (زفر ـ أسوانلي ) و ده خاص بالبلطي و البيس و السيلفر و ده موجود عند الهدرات و تيارات الماية الجمدة لما يكون في سكتها حجارة
غلة (قمح) أو (بر) ودي بنغليها علشان تقتل الجنين و ننقها في ماية برده لمدة يوم قبل الصيد وبعد كد بنحطها في الثلاجة للإستعمال و دي خاصة بالبلطي و أحياناً بيدخل عليها سليفر و الصيد بيها عايز أحتراف من نوع خاص
الجوافة و ماشيهها من الفواكه (جميز ـ تفاح ـ أنناس .... ) ودي خاصة بالسلفر (الحشاشة) وممكن تحط لها برعم الحلفة و حاول تعيش معها شوية و تحضرها الدور بقفص جوافة معطب
وذلك لاكساب الطعم بعض القوة فلا يتم اكله بسهولة او سقوطه من السن وقد جربت ان اقوم بتمليح بعض الطعوم لا ستخدامها وقد اتت التجربة بنتائج ممتازة خاصة مع :
(1)الجمبري
(2)احشاء الدجاج
(3)السردين
(اولا ) تمليح الجمبري :
(يتم تقشير الجمبري ويفضل الجمبري العفر (كبير الحجم نسبيا يتم تقطيع الجمبريايةاذا كانت كبيرة الي قطع مناسبة باستخدام مقص لان القطع باليد يتسبب في هري الجمبري يرش الملح الخشن علي الجمبري بعد فرش الجمبري علي ورق جرائد لا متصاص الماء يتم تقليب الجمبري برفق من وقت لآخر يعرض الجمبري لتيار هواء او وضعه تحت المروحة لايعرض الجمبري للشمس لان ذلك يتسبب في اسمرار لونه لاتنتظر حتي يجف الجمبري تماما بل اجعل به بعض الطراوة والرطوبة يوضع في علبة محكمة الغلق ويتم حفظه بالثلاجة لحين الاستعمال ماتبقي منك بعد الصيد اعد حفظه في الثلاجة دون خوف عليه
(ثانيا) احشاء الدجاج
يمكن احضار الاحشاء او مصارين الفراخ من عند اي محل لبيع الدواجن المذبوحة وهي مجانا ولا يدفع فيها ثمن يتم فرزها في المنزل واستبعاد الاجزاء الاخري فلا يتبقي الا الامعاء تقوم با فراغ سريع لمحتويات الامعاء بالضغط عليها با صابع اليد برفق وتنزل من اسفل الي اعلي لا تفتح الامعاء ولا تقوم بالافراغ التام لكل المحتويات اذ ان لها رائحة
تجذب الاسماك تقوم بتجميع الامعاء الي جانب بعضها البعض علي هيئة حزمة تمسكها بكف اليد وبالمقص تقص الطول المناسب من الحزمة وقد جربت من 3 الي 4 سم يتم فرش الاجزاء التي تم تقطيعها علي ورق جرائد يفضل جريدة كاملة
لا متصاص الماء ويتم رش الملح الخشن علي الامعاء بعد ساعة تقريبا قم بتقليب الامعاء لخلطها بالملح وتوزيع التجفيف
استمر في تقليب الامعاء من وقت لآخر مع تعريضها لتيار هواء ولا تعرضها للشمس حينما تصبح الامعاء علي قدر من الجفاف والتماسك مع الاحتفاظ ببعض الرطوبة والطراوة اجمع الامعاء في علبة محكمة الغلق واحفظها في الثلاجة لحين الاستعمال
اضافه : البس جوانتى اثناء تمليح المصارين ويوجد جوانتيات تباع فى الصيدليات الكبرى داخل علبه مثل علبه المناديل الكلينكس وهى خاصه باطباء الاسنان ( واهو كله دكتره ) بعد تمليح المصارين وتجفيفها تماما (هام تجفيفها) رش عليها دقيق او بودره تلك ويفضل الدقيق
(ثالثا) السردين
يراعي عند شراء السردين ان تختار السردين الطازج بحيث يكون القوام متماسك غير مهترئ وتكون السردينة مستديرة (موزة) ضع صف من السردين الي جوار بعضه حوالي 5 او 6 سردينات حسب الحجم دون غسيل علي جرنال كامل من ناحية اعلي الصفحة ويرش فوقه الملح ثم تضع فوقه صفا آخر وترش الملح ثم صف ثالث وترش الملح وهكذا حتي تنتهي الكمية التي تريد تمليحها ثم تقوم بلف السردين في الجورنال مع الضغط برفق اغلق جانبي الجورنال جيدا وضعه في كيس بلا ستيك واحكم غلقه بعد يومين اخرج السردين وقم بتغيير الجورنال ورش ملح جديد واعد لف الجورنال
وحفظه في كيس بلا ستيك بعد يومين آ خرين يكون السردين قد اصبح متماسكا مثل الكاوتش وعندها يمكن استعماله اما سليما اوتقوم بتقطيعه حسب رغبتك يمكن ايضا اجراء نفس الخطوات مع الماكريل او اي نوع من الاسماك
طريقه اخرى : وتعتبر الطريقه المثلى لتقطيع السردين او الماكريل فى حاله الرغبه فى تقطيعه الى قطع صغيره:
استخدم مقص تقيل وحاد ولا تستخدم سكينه اقطع الراس والزيل افتح السمكه كما فى تنظيفها (من البطن ) افتح السمكه الى نصفين وانزع السلسله برفق قص كل جانب الى نصفين طوليا من خلال الخط الفاصل فى لحم السمكه
ححد المقاس اللى عايزه وكمل قص بكده هتكون مشيت مع اتجاهات اللحم وليست هناك فرصه لاهتراءه اثناء التطعيم
الملح الخشن ( ملح رشيدى ) يباع لدى منافذ بيع شركه النصر للملاحات فى شكاير ويوجد منفذ فى اول ش الترعه البولاقيه من ناحيه الجلاء
السمك في البحر الأحمر عودنا على دخلتين مابيتغيروش وتريحتين ما بيتغيروش الدخلتين همة وش الصبح وبعد العصر و التريحتين عز الظهر و الليل كله أحيناً في الليل لو معاك جنيريتور (ولد كهرباء) على المركب تضرب نور يجمع عليك باغة وشوية حجات خفافي ولو رميت شرك في الليل رزقة بيكون اكبر من النهار
بالنسبة للتزفير
الكبدة بنحطها في شبيكة و بنعلقها على أول المركب ( دي علشانن البلاط و الجمبرورو و الخرمان الباغة و السردين و الماكريل و الجنبري : و دي بنفرها و نزلها في شبيكة واسعة على الأرض بحاجة ثقيلة علشان الشعور الحريد و الدنيس و الحفار النفار و البنجز و القريض و الكوشر و الثعبان الجرن العايم المخرم : و ده بنحط فيه إختراعات كثيرة دم على كبده على عيش على سردين على فشر جمبري على نظافة السمك
|