ويسكى ، براندى ، نبيت ، كونياك ،
بيره ، فودكا ،
عرقى ، مريسه ، أرمنياك
هنا و هناك ..
صين ، مصر ، ايطاليا ، أميركا ..
تشا تشا تشا ، تانجو ، مازوركا ..
افريقيا بترقص دلوكه و سامبا ،
روسيا بترقص بولكا
احنا بنرقص بلدى و دبكه
طراطير و شرايط أصفر و أزرق و أخضر
ووشوش خنازير ، و ملايكه ، و جن أحمر ..
اللى بيضحك ، و بيسكر ،
و اللى بيبكى و بيفكر ،
لكن أؤكد لك يا عزيزى - بيسنظر
شىء واحد ، هو الراس الخاصة بعام
مش عارف كام !!
انما يا سلام ..
بقى بعد الطراطير و البكا و الرومبا ،
لو هذا الراس مظهرش..
لو هذا العام - اللى احنا بنستناه - ماحضرش ...
علشان
انضربت كذا بومبه !!!