|
أستاذ على الدين يحيى مطلوب خطه للمراجعه
الاستاذ الفاضل على الدين يحيى تحيه طيبه وبعد انا عايز طلب من حضرتك وانا عارف ان حضرتك اكتر الناس الحريصه على المصلحه العامه للطلبه واهل للطلب ده من خبراتك الكبيره الطلب هو انى عايز خطه للمراجعه يعنى انا خلصت المنهج بس مش عارف اراجع ازاى ؟ هل ابتدى احل امتحانات على طول ولا اراجع الاول على الدروس ولا ابتدى احل النماذج انا بصراحه محتار وياترا جو الحصه اخليه ازاى يعنى احللهم مسائل من اللى موجوده فى المزكره بتاعتى تانى ولا اديهم مسائل جديده ولا اخلييهم يراجعوا هما فى البيت ويجيوا يمتحنوا على طول عندى بصراحه انا متشتت جدا وياترا امسك الجبر اراجعه كله الاول وبعدين اتنقل للاجزاء التانيه ولا ارجع حصتين من هنا وحصتين من هنا ياريت حضرتك تقولى من خبرتك ايه افضل الطرق للمراجعه وشكرا استاذ على الدين يحيى على مساعدتك لنا وجزاك الله خيرا عنا . |
رد: أستاذ على الدين يحيى مطلوب خطه للمراجعه
أخى العزيز
دليل التقويم مهم جداً جداً وهو مكمل لشرح المادة ومادمت لم تبدأ فيه فهذا معناه أنك لم تنتهى بعد من الشرح ورأيى المتواضع هو أن تقول لأبناءك أنك سوف تبدأ الحصة القادمة مثلاً فى مراجعة الباب الأول من الجبر ( على سبيل المثال ) من دليل التقويم وعلى كل طالب أن يكون مستعداً للمناقشة فيه ثم داخل الحصة تطلب منهم ماهو صعب عليهم فى الحل وتقوم بمناقشته معهم ويفضل ألا يقوم المدرس بالحل مباشرة بل يجب أنه يفتح لهم الطريق فقط ليكملوا بأنفسهم وبعد الانتهاء من هذا الباب تنتقل إلى الباب الأول فى التفاضل ثم بعده ترجع للباب الثانى فى الجبر وهكذا حتى تنتهى من الرياضيات كاملاً وبعدها تستطيع أن تجهز لهم مراجعات خاصة بك على كل باب وفى النهاية تبدأ معهم بحل امتحانات كاملة ويقتصر دورك على تصحيح الامتحان ووضع درجات كل طالب بعد عرض الاجابة النموذجية للامتحان . ودعواتى لك بالتوفيق ملحوظة : سوف اقوم برفع ملزمة مراجعة لكل باب حيث أننى قد انتهيت من حل الدليل لأننى كنت أطلبه كواجب منزلى مع كل باب أنتهى منه مع ملاحظة إهمال التمارين الصعبة به |
رد: أستاذ على الدين يحيى مطلوب خطه للمراجعه
شكراً جزيلاً لك على الرد أستاذي الفاضل ، ونحن على أحر من الجمر في انتظار مراجعاتك الهامة والمفيدة لنا كمدرسين جدد قبل الطلبة.
|
| الساعة الآن 12:28 PM |
جميع الحقوق محفوظة للمنتدي
لا اله الا الله محمد رسول الله