[الاستاذ اشرف سامى]

عزيزتى الاء
الموضوع ببساطه انه لو فيه متغير فى المقام يبقى الداله كسريه المتغير يعنى (س) يعنى مثلا
2/س ..... دى داله كسريه 2 على س

لكن س / 2 (س على اتنين ) ليست داله كسريه لان المقام ثابت (عدد) وليس به متغير اذا هى داله كثيره الحدود وليست كسريه

هتقوليلى طيب مهو المقام فيه اتنين اهه يبقى الداله دى كسريه هقولك لا لان الداله الكسريه لازم المقام يحتوى على متغير (س او ص او .......)

وخدى بالك فى مثال 2
فعلا المقام مفيهوش متغير اذا دى داله كثيره حدود مجالها ح

مثال 7

عندى قاعده بتقول ان اللى تحت الجذز بناخده اكبر من او يساوى الصفر
3 - س اكبر من او يساوى 0
- س اكبر من او يساوى -3
بالقمسه على سالب واحد (ولما بنقسم على عدد سالب بنغير اشاره الاكبر الى اصغر)
س اصغر من او يساوى 3
يبقى - مالانهايه مفتوحه ,, 3 مغلقه

اى حاجه مش واضحه اسالى واحنا وان شاء الله هتلاقوا الاجابه